काठमाडौं । सत्तारुढ दल नेपाली कांग्रेसका सभापति एवं प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र प्रमुख प्रतिपक्षी दल नेकपा एमालेका अध्यक्ष केपी शर्मा ओलीबीच आज भेटवार्ता हुने भएको छ ।
प्रधानमन्त्रीको सचिवालयले जनाए अनुसार आइतबार दिउँसो ४ बजे तीन नेताबीच प्रधानमन्त्री निवास बालुवाटारमा भेटवार्ता हुने बताइएको छ । तीन नेताबीचको भेटमा स्थानीय तहको निर्वाचन, अमेरिकी सहयोगसम्बन्धी सम्झौता एमसीसी लगायत विषयमा छलफल हुने सचिवालयले जनाएको छ ।
सत्ताबाट हटेको ७ महिनापछि पुर्व प्रधानमन्त्री तथा एमाले अध्यक्ष ओली बालुवाटार जान लागेका हुन् ।
