चौरीदेउराली (काभ्रे)/A.S.F नेपालको आयोजनामा र चौरीदेउराली गाउँपालिकाको सहजीकरणमा एक दिवसीय विपद् जोखिम न्यूनीकरण कार्यशाला गाउँपालिकाको सभाहलमा सम्पन्न भएको छ।
कार्यक्रममा DPRQ डा. गणेश कुमार जिमीले विशेष प्रस्तुतिकरण गर्दै विपद् व्यवस्थापन तथा पूर्वतयारीबारे अभिमुखीकरण गर्नुभएको थियो। सुरक्षित आवास र जीविकोपार्जन कार्यक्रमअन्तर्गत सो कार्यशाला आयोजना गरिएको हो।
गाउँपालिका अध्यक्ष रेणुका चौलागाईंको प्रमुख आतिथ्य र चौरीदेउराली–५ का वडा अध्यक्ष कृष्ण प्रसाद गौतमको सभाध्यक्षतामा सम्पन्न कार्यक्रममा प्रमुख अतिथि चौलागाईंले वर्षायामसँगै विभिन्न प्राकृतिक विपद्का कारण बढ्दो जोखिम न्यूनीकरणमा यस कार्यशालाले महत्वपूर्ण योगदान पुर्याउने विश्वास व्यक्त गर्नुभयो।
गाउँपालिकाको तर्फबाट प्रतिनिधि उर्मिला परियार र संस्थाको तर्फबाट कृष्ण विकले सहजीकरण गर्नुभएको थियो।
