बनेपा/बनेपा नगरपालिका वडा नम्बर –६ को श्रीखण्डपुर मार्ग गत बिहिबारदेखि अनिश्चितकालका बन्द गरिएको बाटो खुलेको छ ।
स्थानीय समुन्द्रकाजी श्रेष्ठ र उनका दाई थ्याङ्क्यु माइला श्रेष्ठले सडक स्तरोन्नतीको काममा अवरोध गरेको भन्दै उपभोक्ताहरुले सडक अनिश्तिकालका लागि बन्द गरिदिएका थिए । आज बिहान नगरपालिकाबाट र नापी कार्यालयबाट खटिएको अमिन र सुरक्षाकर्मी, स्थानीय सरोकारवाला तथा उपभोक्ताहरुको उपस्थितिमा नापजाँच गरेका थिए । बनेपा नगरप्रमुख शान्तिरत्न शाक्यले समस्या समाधानको लागि विशेष पहलकदमी लिएका थिए । नपा वडा नम्बर ६ को कार्यालयमा समेत तालाबन्दी गरेको आजबाट खुलेका छन् ।
