काठमाडौंः वैज्ञानिक समाजवादी कम्युनिस्ट पार्टी, नेपालको प्रथम राष्ट्रिय सम्मेलन शुक्रबारबाट सुरु हुने भएको छ । बिहीबार पार्टीले एक प्रेस वक्तव्य जारी गर्दै काठमाडौंको भृकुटीमण्डपमा विशाल जनप्रदर्शनसहितको प्रारम्भ सभा कार्यक्रमबाट सम्मेलन सुरु हुने जनाएको हो ।
¥यालीसहित हुने प्रारम्भ सभा कार्यक्रममा क्रान्तिकारी कम्युनिस्ट पार्टीका कार्यवाहक महासचिव सिपी गजुरेल, नेकपाका महासचिव विप्लव र नेकपा (बहुमत) का महासचिव धर्मेन्द्र बास्तोलासहित आयोजक पार्टीको तर्फबाट महासचिव आहुति र केन्द्रीय सदस्य हिरादेवी दासले सम्बोधन गर्ने कार्यक्रम रहेको छ ।
त्यस्तै दुई दिनको बन्द सत्र भने भक्तपुरको खरिपाटीस्थित नेपाल विद्युत प्राधिकरणको तालिम केन्द्रमा सम्पन्न हुने पार्टीले जनाएको छ । यस सम्मेलनबाट पार्टीले विचारधारात्मक तथा संगठनात्मक कार्यदिशामा थप विकास गरी प्रारम्भबाट नै वैज्ञानिक समाजवादी अर्थतन्त्र, राजनीति र संस्कृति निर्माणको कार्यदिशालाई अघि बढाउने वक्तव्यमा उल्लेख गरिएको छ ।
