काठमाडौं । नेकपा एमालेका अध्यक्ष केपी शर्मा ओलीलाई पितृशोक परेको छ।
ओलीका पिता मोहनप्रसाद ओलीको ९७ वर्षको उमेरमा आज बिहान भक्तपुरको गठ्ठाघरस्थित एक अस्पतालमा उपचारका क्रममा निधन भएको पारिवारिक स्रोतले जनाएको छ। केही समयदेखि अस्वस्थ रहेका ओलीको उपचारकै क्रममा मृत्यु भएको बताइएको छ।
उनको पार्थिव शरीर अन्तिम श्रद्धाञ्जलीका लागि भक्तपुरको गुण्डुस्थित ओली निवासमा लैजाने तयारी भइरहेको छ। आजै काठमाडौंको पशुपति आर्यघाटमा दाहसंस्कार गरिने परिवारले जनाएको छ।
स्वर्गीय मोहनप्रसाद ओलीका दुई छोरा र तीन छोरी छन्।
