बनेपा/आदर्श बचत तथा ऋण सहकारी संस्था लि.बनेपाले जेसिस नेपालका २०२३ का लागि राष्ट्रिय अध्यक्ष विकास मानन्धर, क्यान महासंघका राष्ट्रिय सचिव बुद्धरत्न मानन्धर, जिल्ला बचत संघ काभ्रेका अध्यक्ष उदयराम कायस्थ र काभ्रे लेडी जेसिस २०२३ का अध्यक्ष बुद्धलक्ष्मी मानन्धरलाई बधाई तथा सम्मान गरेको छ।
आदर्श बचत तथा ऋण सहकारी संस्था लिमिटेडका अध्यक्ष उमेश मानन्धरले ४ जना व्यक्तित्वहरुलाई सम्मानपत्र प्रदान गर्नुका साथै वहाँहरुको कार्यकाल सफलताको शुभकामना व्यक्त गर्नुभएको थियो। कार्यक्रममा मन्तव्य राख्नुहुँदै उदयराम कायस्थ, बिकास मानन्धर, जिल्ला बचत संघ काभ्रेका प्रबन्धक गुरुप्रसाद ढकाल, बुद्धलक्ष्मी मानन्धर, बुद्धरत्न मानन्धरले आदर्श बचत तथा ऋण सहकारी संस्था लिमिटेड बनेपाको संस्थाको सुशासन र समृद्धिको लागि आवश्यक सुझाव दिनु भएको थियो।
आदर्श बचत तथा ऋण सहकारी संस्था लिमिटेडका अध्यक्ष उमेश मानन्धरको सभापतित्वमा सञ्चालित समारोहमा आदर्श बचत तथा ऋण सहकारी संस्था लिमिटेड बनेपाको गरीबी निवारण समितिका संयोजक सिध्दिबहादुर कर्माचार्यले स्वागत मन्तव्य राख्नुभएको समारोहमा आदर्श बचत तथा ऋण सहकारी संस्था लि.का सचिव निरञ्जन मानन्धरले कार्यक्रम सञ्चालन गर्नुभएको थियो।
आदर्श बचत तथा ऋण सहकारी संस्था लिमिटेडका अध्यक्ष उमेश मानन्धरले सम्मानित, सरोकारवाला सबैलाई धन्यवाद ज्ञापन गर्नुका साथै सहकारी संस्था सबल र वर्तमान परिस्थितिसँग लड्न सक्ने क्षमता भएको जानकारी दिनुभयो ।
