जिन्दगीका हजार मोडहरु, एक मोडमा हजुरलाई भेटें
भएन दोमन कहिले पनि हृदयमा हजुरकै नाम लेखे
सरला श्रेष्ठको रचनामा नरेन्द्र प्यासीको संगीत रहेको यो गीत हिजो गायिका संगीता प्रधानको स्वरमा रेकर्ड भयो काठमाडौंको फिल स्टुडियोमा। यो गीतको एरेन्जर बिनोद कुमार भुजेल हुनुहुन्छ भने मिक्सिंग र रेकर्डिंग कुमार के.सी. ले गर्नुभएको छ। सरला श्रेष्ठ यो गीतको बिषयमा भन्नुहुन्छ “यो गीत समर्पित छ वहॉलाई जसले जिन्दगीका हरेक उतार चढावहरुमा मलाई साथ दिइरहनुभएको छ र वहॉको साथ विना सायद मेरो जीवन अधुरो नै हुनेछ।”
यो गीत वहॉले आफ्नो जीवनसाथी तथा श्रीमान हर्वर्ट क्रिष्टलाई सपर्पण गर्नुभएको छ। यो गीत वहॉको नयॉ रचनाहरु मध्येको एक हो। गीत, कविता वा अरु कुनै पनि साहित्यका विधाहरुमा अत्यन्त रुची राख्नुहुने वहॉको लागि लेख्नु एक किसिमको दिन चर्या नै हो।
कुनैपनि कुराले आफ्नो मन मस्तिष्कलाई छोएपछि पहिलो प्रक्रिया लेख्नु नै हुन्छ गीतकार सरलाको लागि। सानैदेखि यसरी नै लेख्ने बानी बसेको कुरा वहॉ बताउनुहुन्छ । उहॉ धेरै जसो गीत, कविता तथा मुक्तकहरु लेख्न मन पराउनुहुन्छ। आफूले लेखेका गीतहरुमा बनेका लिरिकल तथा म्यूजिक भिडियोहरु उहॉको आफ्नै यूट्यूब च्यानल एस. एस. क्रियसन(@sscreation419) बाट रिलिज भईरहेको छ।
