पनौती÷पनौती नगरपालिका न्यायिक समितिको आयोजनामा भएको मेलमिलापकर्ता भेलामा उत्कृष्ट मेल–मिलापकर्ता सम्मान –२०८० बाट वडा नम्बर–९ का माधव प्रसाद हुमागाई सम्मानित भएका छन । उनलाई नगर प्रमुख रामशरण भन्डारी, उपप्रमुख गीता बन्जारा, प्रमुख प्रशासकीय अधिकृत प्रणराज न्यौपाने लगायतले नगद पुरस्कार सहित दोसल्ला ओढाएर सम्मान गरेका हुन् ।
प्रमुख रामशरण भन्डारीको प्रमुख आतिथ्यमा सम्पन्न उक्त कार्यक्रममा प्रमुख प्रशासकीय अधिकृत प्रणराज न्यौपाने, मेलमिलाप कर्ताहरु रमा तिमल्सिना, लोकनाथ सापकोटा लगायतले आ आफ्नो मन्तव्य राखेका थिए । उपप्रमुख गीता बन्जाराको अध्यक्षता तथा न्यायिक समिति सदस्य महेन्द्रलाल श्रेस्ठले स्वागत गरेको कार्यक्रममा प्रमुख भन्डारीले मेलमिलापकर्ताको भुमिका अब्बल हुने ढंगले कार्य गर्न नगर सदैव मेलमिलापकर्ताको हितमा आबश्यक सहयोग गर्न तयार रहेको बताए । भेलालाई सम्बोधन गर्दै उपप्रमुख बन्जाराले न्यायिक समितिका विबाद निरुपणमा मेलमिलापकर्ताले अत्यन्त सह्रानीय कार्य गरेको, आफु जहिले नि मेलमिलापकर्ताहरुको साथ रहेको र आगामी दिनमा यसको निम्ति आबश्यक बजेट राख्न पहल गरिने बताइन् ।
अधिवक्ता प्रदिप सापकोटाले सन्चालन गरेको उक्त कार्यक्रम दुइचरणमा भएको थियो । पहिलोचरणमा समुह विभाजन गरि समुह छलफल गरि निस्केका निचोडहरु प्रस्तुत गरिएको थियो ।
