बनेपा/बनेपा नगरपालिकाले असोज महिनाको १० देखि १२ गतेसम्म परेको अविरल वर्षाका कारण बनेपा नगरपालिका क्षेत्रभित्र विपदमा परि मृत्यु हुनेहरुलाई राहत वितरण गरेको छ।
बागमती प्रदेश सरकारबाट जिल्ला प्रशासन कार्यालय काभ्रे मार्फत प्राप्त भएको सहयोग रकम रु.एक लाख मृतक परिवारलाई उपलब्ध गराएको छ।
नगर प्रमुख शान्ति रत्न शाक्य, उपप्रमुख बिमला सापकोटा दाहाल, प्रमुख प्रशासकीय अधिकृत तथा सम्बन्धित वडा अध्यक्षहरुको रोहवरमा वडा नं १४ का ३१ वर्षिय मिलन तामाङ्ग तथा उहाँको ४ वर्षीय छोरी सुनिता तामाङ्ग र वडा नं १० का ६ वर्षीय बालक युविन हुमागाईको परिवारलाई राहत स्वरुप आर्थिक सहयोग उपलव्ध गराएको लेखा अधिकृत बिनोद हुमागाईंले जानकारी दिनुभयो।
वडा नं १४ का मृतकका श्रीमती आइत माया भ्लोन तथा वडा नं १० का मृतकका आफन्त गीता हुमागाईलाई सहयोग हस्तान्तरण गरेका थिए।
