पनौती÷नेकपा(एकीकृत समाजवादी) काभ्रेको प्रतिनिधि सभा १ प्रदेश सभा (ख) क्षेत्रिय समन्वय कमिटीले आगामी निर्वाचन लागि उमेरद्वार सिफारिस गरेको छ । नेकपा(एस)का जिल्ला सचिवालय सदस्य एवं क्षेत्रीय कमिटी संयोजक कृष्णबहादुर तामाङको अध्यक्षतामा पार्टीका जिल्ला अध्यक्ष बसुन्धरा हुमागाईंको प्रमुख आतिथ्यमा सम्पन्न बैठकले प्रत्यक्ष तथा समानुपातिक तर्फका प्रस्तावित उम्मेदवारको नामावली जिल्लामा सिफारिस गर्ने निर्णय गरेको छ।
जस अनुसार प्रत्यक्ष तर्फ पुस्कर तिमल्सिना, कृष्ण सापकोटा, विश्वेश्वर बन्जरा र संजिता लामा रहेका छन । यस्तै समानुपातिक तर्फ कृष्णबहादुर तामाङ, रामदेबी तामाङ र सरोज कुइकेल सिफारिस भएका छन्।
आज पनौतीमा भएको क्षेत्रीय कमिटको बैठकमा पार्टी प्रदेश कमिटीका सदस्यद्वय तुईकाजी ताम्राकार र तेजबहादुर खड्काको समेत उपस्थिति रहेको थियो ।
