रोशी/रोशी गाउँँपालिका वडा नं. १ का वडाध्यक्ष श्रीदास लामाको क्यान्सरका कारण मृत्यु भएको छ । वडाध्यक्ष लामा विगत एकवर्षदेखि ब्रेनट्युमरको उपचार गराइरहनु भएको थियो । उपचारपछि वडाध्यक्ष लामाको स्वास्थ्यमा सुधार भएको थियो । उपचारपछि पछिल्लो समय गाउँमा गइ सेवाग्राहीहरुलाई सेवा दिन थालेका लामा अशोज १०, ११ र १२ गते परेको अविरल वर्षाको गएको बाढी पहिरोले गरेको विनाशपछि तनावमा परेका थिए । रोशी १ मा बनेको अस्पतालका साथै फलामेसाँघु लगायत विभिन्न बस्तीलाई क्षति पु¥याएपछि स्थानीयको रुवाबासीका कारण दौडधुप गर्नुपर्दा रोग बल्झिन पुगेका थिए । सोही तनावका बीच उपचारका लागि खाद्यान्न पु¥याउन गएको सैनिक हेलिकोप्टरमा आएका वडाध्यक्ष लामालाई निमोनियाँ देखिएको उपचारमा संलग्न चिकित्सकले बताएका छन् ।
२०५८÷०५९ राष्ट्रिय प्रजातन्त्र पार्टीमा सक्रिय लामा एमालेमा प्रवेश अघिसम्म राप्रपाको जिल्ला उपाध्यक्षको जिम्मेवारी सम्हाल्दै आएका थिए । यसअघि २०७४ को स्थानीय निर्वाचनमा राप्रपाबाटै टिकट लिई रोशी गाउँपालिकाको १ नं.वडामा वडाध्यक्षमा निर्वाचित भएका लामा हाल नेकपा एमाले काभ्रेपलाञ्चोकको जिल्ला कमिटी सचिवालय सदस्य र रोशी १ मा एमालेबाट वडाध्यक्षमा निर्बाचित जनप्रतिनिधि रहेका थिए ।
रोशी गाउँपालिकाका अध्यक्ष दिनेश लामाले एक विज्ञप्ति प्रकाशित गरी शोक व्यक्त गरेका छन् ।
यसैबीच रोशी गाउँपालिकाले एक शोक विज्ञप्ति जारी गरी भावपूर्ण श्रद्धाञ्जली अर्पण गरेको छ । रोशी गाउँपालिकाका प्रमुख प्रशासकीय अधिकृत शिवप्रसाद भन्तनाले हस्ताक्षर गरेको शोक विज्ञप्तिमा सोमबार रोशी गाउँपालिकाभित्र शोक बिदा दिइएको छ ।
यसैगरी नेकपा एमाले पनि एक शोक विज्ञप्ति जारी गरी असामयिक निधनको खबर स्तब्ध भएको जनाएको छ ।
वडाध्यक्ष लामाका पार्थिव शरिरमा एमाले नेता इश्वर पोखरेलले कम्यूनिष्ट पार्टीको झण्डा ओढाएर सम्मान व्यक्त गरेको थिए। आज काठमाडौंको स्वयम्भुमा भएको अन्त्यष्टिमा गाउँपालिकाका पदाधिकारीहरु। एमालेका नेता तथा कार्यकर्ता र शुभचिन्तकहरुको सहभागिता रहेको थियो ।
