बनेपा– बीवाइडी गाडीको नेपालका लागि आधिकारिक वितरक साइमेक्स इंक प्रालिले बनेपामा नयाँ शोरुम बिस्तार गरेको छ । रिकन्डिसन गाडीको कारोबार गर्दै आएको लक्ष्मण बञ्जाराको कामना अटोमोबाइल प्रा.लि.संगको सहकार्यमा सो नयाँ शोरुम सञ्चालनमा आएको हो ।
बिवाइडिको नयाँ सो रुमको उद्घाटन गर्नुहुँदै बनेपा नगरपालिकाका प्रमुख शान्तिरत्न शाक्यले ग्राहकहरू माझ बढ्दै गएको बिवाइडीको लोकप्रियतालाई मध्यनजर गर्दै बनेपामा नयाँ सोरुम सञ्चालनमा ल्याइएको खुशी व्यक्त गर्नुभयो। कार्यक्रममा बोल्दै नगरप्रमुख शाक्यले नेपालमा बिद्युतीय गाडीलाई प्राथमिकता दिनुपर्ने धारणा राखे ।
साइमेक्स इंक प्रालिका अध्यक्ष अनिल श्रेष्ठले नेपालमा विद्युतीय सवारी साधनमा आकर्षण बढेको र बिवाइडी लोकप्रिय ब्राण्ड बन्न सफल भएको बताए । ‘हामी ग्राहकको सेवामा सधैं समर्पित छौं,’ उनले भने ।
साइमेक्सले हालसम्म १५ वटा डिलर नेटवर्क विस्तार गर्न सफल भएको छ । यसले गाडीको बिक्रीमा राम्रो नेटवर्किङ विस्तार गर्नेमा आफूहरु विश्वस्त रहेको साइमेक्स इंकका अध्यक्ष अनिल श्रेष्ठले बताउनुभयो।
इभीका ग्राहकहरुको सेवा र सुविधाका लागि यो शोरुम अत्याधुनिक सुविधा, चार्जिङ स्टेसनसहित तालिम प्राप्त कर्मचारीहरु रहने उनले जानकारी दिए। कार्यक्रममा लक्ष्मण बञ्जाराले स्वागत गर्नुभएको थियो।
नेपालमा बिवाइडीको अट्टो ३, डल्फिन, ई–६बिक्रीका लागि उपलब्ध छन् । पुराना जुनसुकै ब्राण्डका गाडीहरु एक्स्चेन्ज गरी नयाँ बिवाइडी खरिद गर्न सकिने कम्पनीले जनाएको छ ।
