काठमाडौं – पूर्वप्रधानन्यायाधीश सुशीला कार्की प्रधानमन्त्रीमा नियुक्त हुने वित्तिकै प्रतिनिधिसभा विघटन भएको छ। विघटनको निर्णय प्रधानमन्त्रीको सिफारिसअनुसार राष्ट्रपति रामचन्द्र पौडेलले गरेको राष्ट्रपति कार्यालयले जनाएको छ।
प्रधानमन्त्री निकट स्रोतका अनुसार, जेनजी आन्दोलनका प्रतिनिधिसँगको सहमतिमै यो प्रतिनिधिसभा विघटन गरिएको हो। जेनजी आन्दोलनपछि राष्ट्रपति नेपालको संविधानअनुसार कार्कीलाई प्रधानमन्त्री पदमा नियुक्त गरेका हुन्।
यसैबीच, नयाँ निर्वाचन मिति पनि तोकिएको छ। राष्ट्रपति कार्यालयका उपसचिव रुपेश जंग थापा मगरद्वारा जारी विज्ञप्तिमा भनिएको छ – “राष्ट्रपति श्री रामचन्द्र पौडेलज्यूले सम्माननीय प्रधानमन्त्री श्री सुशीला कार्कीज्यूको सिफारिसअनुसार २०७८ साल भदौ २७ गते रात ११ बजेदेखि प्रतिनिधिसभा विघटन गर्नुभएको छ। नयाँ प्रतिनिधिसभा निर्वाचन २०८२ साल फागुन २१ गते बिहीबार हुनेछ।”
