रोशी । गाई भैसीमा महामारीको रुपमा फैलिएको लम्पी स्किन रोगबाट पशु क्षति बेहोरेका कृषकलाई रोशी गाउँपालिकाले विपद व्यस्थापन कोषबाट राहत उपलव्ध गराउने भएको छ ।शुक्रबार बसेको रोशी गाउँपालिकाको कार्यपालिका बैठकले सो निणर्य गरेको हो ।
विपद् व्यवस्थापनको लागि राहत वितरण सम्बन्धी मापदण्ड, २०७७ मा भएको व्यवस्था अनुसार राहत व्यवस्था मिलाएको गाउँ पालिका अध्यक्ष दिनेश लामाले जानकारी दिए ।
गाउँपालिकाका अध्यक्ष दिनेश लामाका अनुसार लम्पी स्किन रोगबाट गाई भैसी मरेमा राहत उपलब्ध गर्नेछ । कार्यपालिकाको बैठकले भैसी मरेको किसानलाई ७ हजार र गाई मरेको किसानलाई ५ हजार राहत दिने निणर्य गरेको लामाले बताए । ‘आज बसेको कार्यपालिका बैठकले लम्पी स्किन रोगबाट गाई भैसी मरेको किसानलाई राहत दिने निणर्य गरेका छौँ ।’ गाउँपालिका अध्यक्ष लामाले भने, ‘भैसी मरेका किसानलाई ७ हजार र गाई मरेका किसानलाई ५ हजार उपलब्ध गराउने निणर्य गरेका छौँ ।’ किसानको पूरै क्षतिपूर्ती नभएपनि केही रहत मिल्ने लामाले बताए ।
उक्त रोगबाट पशु क्षती बेहोरेको किसानलाई गाउँपालिकाको विपद व्यवस्थापन कोषबाट उपलब्ध गराउने अध्यक्ष लामाले बताए ।
