काभ्रेपलाञ्चोकको बनेपा नगरपालिका वडा नं.-१४, आशापुरीमा रहेको श्री जागृति आधारभूत विद्यालयका विद्यार्थीहरुला न्यानो कपडा वितरण गरिएको छ।
HEFA NEPAL(Health and Education For All) संस्थाको सहयोगमा विद्यार्थी भाई बहिनीहरुलाई ट्रयाकसुट, टिसर्ट र सहयोगी रोजगारीको शिलशिलामा हाल जापानमा रहेकी काभ्रेली चेली दाता पार्वती(अनु) तामाङको सहयाेगमा स्वीटर र स्टेशनरी सामाग्री (पिता शम्सेर बहादुर तामाङको हातबाट विद्यार्थी भाई बहिनीहरुलाई वितरण गरिइएको थियो ।
उनीहरुले बिपन्न ६२ जना विद्यार्थीहरूलाई बनेपा नगरपालिकाको प्रमुख शान्ति रत्न शाक्यको प्रमुख आतिथ्यतामा ट्रयाकसुट, स्विटर र स्टेशनरी वितरण गरेको विद्यालयका प्रधानाध्यापक हिराबहादुर लामाले बताए ।
विव्यसका अध्यक्ष ओमबहादुर तामाङको अध्यक्षतामा भएको कार्यक्रममा प्रमुख अतिथि नगर प्रमुख शाक्यले यस किसिमको कार्यक्रमले विद्यार्थीको शैक्षिक गतिविधिलाई प्रेरणा संगै विपन्न विद्यार्थीलाई अझ बढी पढ्ने हौसला मिल्ने बताउनुभयो ।
कार्यक्रममा विशिष्ट अतिथि HEFA NEPAL का सल्लाहकारद्वय मधु प्रसाद आचार्य र डा.दीपेन्द्र गुरुङले सामूहिक प्रयासबाट यस्ता कार्यक्रमलाई निरन्तरता दिनुपर्ने भन्दै शिक्षा नै विकासको मुख्य आधार भएको उल्लेख गर्नुभयो ।
सो अवसरमा वडाध्यक्ष टुल्कु लामा, जागृति आविका प्रधानाध्यापक हिराबहादुर लामा, HEFA NEPAL अध्यक्ष नारायण अधिकारी, दाता पार्वती तामाङ(अनु)को पिता शम्सेरबहादर तामाङ लगायतले यस्तो सहयोगले विद्यार्थीको शिक्षामा सकारात्मक प्रभाव पार्ने विश्वास गरिएको छ ।
यसरी शिक्षा र बालबालिकाको हितमा गरिएको यस्तो पहलले शिक्षाको विकासमा मद्दत पुग्ने अपेक्षा छ । कार्यक्रम सञ्चालन शिक्षक कविप्रसाद ढुंगानाले गरेका थिए।
