काभ्रे । रोशी गाउँपालिका-११, कालढुंगामा अवरुद्ध बीपी राजमार्ग एकतर्फी सञ्चालनमा आएको रोशी गाउँपालिका अध्यक्ष दिनेश लामाले जानकारी दिनुभयो।
सोमवारदेखिको अविरल बर्षाको कारण बि.पी. राजमार्ग अन्तर्गत रोशी-११ मा सडक अबरुद्ध भएको थियो । लगातार ६/७ घण्टाको निरन्तर प्रयास पछि सडक एकतर्फी रुपमा सुचारू भएको हो ।
अवरुद्ध सडक खुलाउन गाउँपालिका र क्रसर उद्योगका स्काभेटर तथा जेसिबी परिचालन भईरहेको गाउँपालिका अध्यक्ष लामाले जानकारी दिए । उनका अनुसार अहिले पालिका र क्रसर उद्योगको स्काभेटर, जेसिबी परिचालन गरेर अवरुद्ध सडक खुलाउन तीब्रगतिमा काम भईरहेको बताए ।
