काभ्रेको पनौती नगरपालिका वडा नं ८ मा रहेको पिस होम पुनःस्थापना केन्द्रमा राखिएका एक किशोरको शंकास्पद मृत्यु भएको छ ।
मण्डनदेउपुर नगरपालिका वडा नं १० का स्थायी बासिन्दा १७ बर्षिया सुहोन श्रेष्ठ बिरामी परेपछि उपचार गराउन अस्पताल ल्याउने क्रममा मृत्यु भएको प्रहरीको दावि छ ।
तर मृतकका आफन्तले भने कुटपिटका कारणले शुसनको मृत्यु भएको हुन सक्ने बताएका छन् । मृतकका काका राम श्रेष्ठका अनुसार मृतकको टाउकोमा ठूलो प्वाल छ, गोडाभरी निलडाम छन् । ओठमा समेत ठूलो घाउ छ । आफ्नो भतिजलाई उपचार गराउन नभएर मृत्यु भएपछि मात्रै अस्पताल लगिएको राम श्रेष्ठले बताए ।
प्रहरीले बिरामी भएको भनेर अस्पतालमा बोलाउँदा भजितलाई वेवारिसे अवस्थामा मृत्यु भैसकेको रुपमा राखिएको श्रेष्ठले बताए । इलाका प्रहरी कार्यालय बनेका प्रमुख राजन कोइरालाले मृतक श्रेष्ठको शव पोष्टमार्टमका लागि धुलिखेल अस्पताल लगिएको जानकारी दिए ।
