पनौती - काभ्रेको पनौती नगरपालिका वडा न ३ घ्याल्कु खोलाको थालचौर नजिकै एक पुरुषको मृत अबस्थामा शव फेला परेको छ।
गएरातिदेखि परेको अविरल वर्षाका कारण देशका विभिन्न भागमा खोलामा पानीको सतह बढेसँगै काभ्रेको पनौती -३ मा रहेको घ्याल्कु खोलामा उनको शव बिहान फेला परेको स्थानीय गणेश घिमिरेले जानकारी दिनुभयो। घटना स्थलमा उनको जन्मदर्ता समेत फेला परेको छ।
इलाका प्रहरी कार्यालय बनेपाबाट प्रहरी गइ मुचुल्का उठाइ शवलाई धुलिखेल अस्पताल पठाइएको बताइयो।
जन्मदर्ताको विवरण अनुसार सिन्धुपाल्चोक जिल्ला जुगल गाउँपालिका -२ गोलचेका अन्तरबहादुर भुजेलको नाति डिलबहादुर भुजेल र अन्तकुमारी भुजेलको ४२ वर्षिय छोरा कमल भुजेलको शव फेला परेको हो।
