हेटौंडा/चाखाेला जलाधार क्षेत्र संरक्षण सङ्घर्ष समितिले चाखाेलाकाे जल सिंचित हुने हजाराैं राेपनी जमीनमा सुख्खा हुन सक्ने जानकारी सहित बागमती प्रदेशका खानेपानी, उर्जा तथा सिँचाई मन्त्री तीर्थ लामालाई ज्ञापन पत्र बुझाएको छ।
चाखाेला जलाधार क्षेत्र संरक्षण संघर्ष समितिले चाँगुनारायण नगरपालिकालाई पानी बेच्ने कुरालाई लिएर १५०० सय भन्दा माथिको हस्ताक्षर संकलन गरी बागमती प्रदेश खानेपानी सिंचाइ तथा उर्जा मन्त्रालयमा बुझाएको हो ।
ज्ञापन पत्रमा भनिएको छ - सिंचाई मात्र नभएर पर्यावरणको हिसाबले समेत चाखोला एउटा छुट्टै पहिचान भएको खोला र यस खोला आसपासको क्षेत्रमा हजारौ रोपनी जमिन यसै खोलाको सिचाई संरक्षित क्षेत्रभित्र भएकोले त्यस मन्त्रालय मार्फत बजेट विनियोजन भई नगरकोट नाल्दुम लिफ्ट खानेपानी आयोजना संचालन हुने जानकारी प्राप्त भएकोले त्यस आयोजनाप्रति हामी र यस आसपासका हजारो किसानहरूको गम्भीर ध्यानाकर्षण भएको छ ।
ज्ञापन पत्रमा त्यस आयोजना निर्माण स्थल चाखोलाको बगेर आउने पानीको मुहान समेत भएको हुँदा चाखोला अन्तर्गतका सिंचाई तथा आवादी क्षेत्रमा खोलाको पानी सुक्न गई गम्भिर रुपमा असर पुग्ने भएकोले उक्त आयोजना तत्कालै बन्द गरी सम्वन्धित क्षेत्रमा खोलाको बगेको पानी नतान्ने गरी वैकल्पिक सोतको व्यवस्थापन गरी संचालन गर्न माग गर्दै चल्न लागिरहेको उक्त आयोजना बन्द गराई पाऊँ भनी प्रभावित क्षेत्रभित्र विधिवत संचालनमा रहेका २८ भन्दा वढी सिंचाई कुलोहरुको उपभोक्ता/मोहीको स्थलगत हस्ताक्षर सहित यो पत्र पेश गरिएको उल्लेख छ ।
चाखाेलाकाे जल सिंचित हुने यस्ताे दर्जनाैं कुलाे र हजाराैं राेपनी जमीन छ । बगेकाे पानीकाे मुहान फर्काउदा चाखाेला वारिपारीकाे सम्पूर्ण जमिन खण्डहर बन्न पुग्छ भन्दै संघर्ष समितिले मन्त्री लामाको ध्यानाकर्षण गराएका थिए।
ज्ञापनपत्रमा १८ हजार राेपनी भन्दामाथि जमिनमा पानीको अभावमा सुख्खा हुने हुँदा किसान मर्कामा पर्ने भएकोले आन्दोलन गर्नुपरेको संघर्ष समितिका अध्यक्ष रुद्रबहादुर तामाङले जानकारी दिए।
बगेकाे पानीकाे मुहान फर्काउदा चाखाेला वारिपारीकाे सम्पूर्ण जमिन खण्डहर बन्न पुग्छ ! बेलैमा सजग बनाैं भन्ने उद्घोषका साथ सङ्घर्ष समितिकाे तर्फबाट विभिन्न कार्यक्रमहरू अगाडि वढिरहेकाे समितिका अध्यक्ष तामाङले जानकारी दिए।
