रोशी। काभ्रेपलाञ्चोक जिल्लाको रोशी गाउँपालिका वडा नं.- ३ सिखर आम्बोटेको भन्ज्याङमा एक महिला मृत अवस्थामा फेला परेको छ ।
खहरेपागु प्रहरी चौकीका अनुसार जना दिपावली मनाइरहेको बेला रोशी-३ भन्ज्याङकी ६६ बर्षीय माइली लामा आफ्नै घरमा रगताम्य अवस्थामा मृत फेला परेकी हुन् । आज शुक्रबार आफ्नै घरभित्र मृत अवस्थामा फेला परेको प्रहरीले जनाएको छ ।
रगतमा लतपतिएको अवस्थामा रहेको महिलाको हत्या भएको हुनसक्ने वडाध्यक्ष धनजित लामाले जानकारी दिए । अनुसन्धानको लागि जिल्ला प्रहरी कार्यालय र इलाका प्रहरी कार्यालय मंगलटारबाट प्रहरी घटनास्थल पुगिसकेको उहाँले जानकारी दिनुभयो। घटना १२ देखि ३ बजेको बीचमा भएको हुन सक्ने बताउँदै चोरले साँढे २ तोला सुन र मृतकको पोल्टामा रहेको करीब ५९ हजार नगद लगेको वडाध्यक्ष लामाले जानकारी दिनुभयो। मृतक लामाको ३ छोरा र तीन छोरी भएपनि मृतक दम्पती मात्र त्यहाँ बस्ने गरेको बस्दै आएका थिए ।
Ramro xanbin gari jyanko badla Jyan lina paunu prxa mritak hjramako atmale santi paos manaharulai pida sahana sakne sakti paos