नुवाकोट । बागमती प्रदेशका मुख्यमन्त्री बहादुरसिंह तामाङले जलवायु परिवर्तनकाे नकारात्मक असर न्यूनीकरण र क्षयीकरण रोक्न तिनै तहका सरकारसँग समन्वय गरी अगाडि बताउनुभएको छ ।
सम्पादक समाज नेपालले ‘जलवायु परिवर्तनका प्रभावहरू न्यूनीकरणका लागि अपनाउनुपर्ने रणनीति’ का सम्बन्धमा आज गोविन्द वियोगी पत्रकारिता अध्ययन केन्द्र, शिवपुरी–७, सूइरेचौर, नुवाकोटमा आयोजना गरेको छलफलमा मुख्यमन्त्री तामाङले विकासबाट विनाश हुन जोगाइनुका साथै वातावरण, मानव र वन्यजन्तु संरक्षणका लागि मिलेर काम गर्ने प्रतिबद्धता व्यक्त गर्नुभयो ।
सो अवसरमा शिवपुरी गाउँपालिकाका अध्यक्ष गोविन्दप्रसाद थपलियाले झरना, हरियालीपूर्ण वातावरण, शक्तिपीठहरू भएको तपोभूमि शिवपुरीमा आन्तरिक पर्यटन बढाएर स्थानीय उत्पादनमा जोड दिने, स्थानीय जनताको आयआर्जन बढाउन गाउँपालिकाले प्रचारप्रसार, महोत्सव, होम-स्टे तालिम जस्ता कार्यक्रम आयोजना गरिरहेको जानकारी दिनुभयो । उहाँले आफू गाउँपालिका महासंघको कार्यसमिति सदस्य समेत भएको उल्लेख गर्दै निति बनाउन र सरोकारवाला मन्त्रालयमा जान आफुलाई कुनै गाह्रो कुरा नभएको बताउनुभयो । उहाँले छिमेकी ककनी गाउँपालिकासँग पनि मिलेर काम गर्ने सोच बनाएको जानकारी दिनुभयो । कार्यक्रम संपादक समाजका अध्यक्ष पुरु रिसालको सभापतित्व र माधव दुलालले गर्नुभएको कार्यक्रममा सहभागी सञ्चारकर्मीहरुले मुख्यमन्त्री तामाङसँग विभिन्न विषयहरुमा जिज्ञासा राखेका थिए।
