काभ्रेपलान्चोक । नेकपा (एकीकृत समाजवादी (काभ्रेको स्कूल विभागले जिल्लामा २ दिने प्रशिक्षक प्रशिक्षण तालिम संपन्न गरेको छ ।
धुलिखेलमा संचालन भएको प्रशिक्षणमा नेकपा एकीकृत समाजवादीका अध्यक्ष माधव कुमार नेपालले उद्घाटन गर्नु भएको थियो भने समापन समारोहमा वरिष्ठ नेता झलनाथ खनालको उपस्थिति रहेको थियो ।
पहिलो सत्रमा प्रमुख अतिथि अध्यक्ष माधव कुमार नेपालले वर्तमान राजनीतिक परिस्थिति र आगामी कार्यदिशा विषयमा प्रशिक्षण दिनु भएको थियो । यस्तै नेकपा एकीकृत समाजवादी बागमति प्रदेश कमिटीका अध्यक्ष सावित्रा भुषालले पार्टी मार्गदर्शक सिद्धान्त तथा संगठनात्मक सिद्धान्त, जिल्ला कमिटी संगठन विभाग प्रमुख गोकुल गौतमले कम्न्युनिष्ट आन्दोलनको विगत र वर्तमान, दयासागर श्रेष्ठले वर्ग, वर्ग संघर्ष र सामाजिक आन्दोलनको बारेमा प्रशिक्षण दिनु भएको थियो ।
दोश्रो दिनको कक्षामा प्रशिक्षक अशेष घिमिरेले पूँजीवाद, विश्व व्यापीकरण,आजको विश्व ब्यवस्थाका सवालहरु र सम्बोधनका उपाएहरु र वरिष्ठ नेता झलनाथ खनालले नेपालको सन्दर्भमा समाजवादको प्रारुप र समाजवादी क्रान्ति भन्ने सन्दर्भमा प्रशिक्षण दिनुका साथै यो प्रशिक्षण लिएपछि गाउँ गाउँमा कम्युनिस्ट आन्दोलनको बारेमा र पछिल्लो विकसित राजनीतिक अवस्थाबारे बुझाउन सक्ने विश्वास लिनु भयो।
प्रशिक्षणमा काभ्रे जिल्ला नेकपा एकीकृत समाजवादीका १३ वटै पालिकाबाट बाक्लो उपस्थिति थियो । दुई दिने पार्टी प्रशिक्षणबाट १२५ जनाले माक्सवादी दर्शन, पार्टीको मार्गदर्शक सिद्धान्त, देशको राजनीतिक सामाजिक तथा आर्थिक अवस्था र पार्टीको राजनीतिक कार्यदिशाबारे कार्यकर्तालाई प्रशिक्षित हुने मौका पाएको कार्यालय सचिव हरिगोपाल प्रधानाङ्गले जानकारी दिनुभयो ।
