हेटौंडा/वागमती प्रदेशको उपसभामुखमा नेकपा एमालेकी उम्मेदवार अप्सरा चापागाईं निर्वाचित भएकी छन् ।
प्रदेशसभामा सोमबार साँझ सम्पन्न निर्वाचनमा सत्ता गठबन्धनबाट एमालेकी उम्मेदवार चापागाईं उपसभामुख निर्वाचित भएकी हुन् । उनले ६१ मत प्राप्त गरेको प्रदेशसभा सभामुख भुवन पाठकले जानकारी दिए । उनले एमालेको २७, माओवादीको २१, राप्रपाको १२ र हाम्रो नेपाली पार्टीको २ मत प्राप्त गरेकी हुन् ।
उपसभामुख चयनका लागि प्रदेशसभा बैठकमा भएको मतदानमा चापागाईंको विपक्षमा ३९ मत परेको थियो भने ७ जना प्रदेश सदस्य तटस्थ बसेका थिए । उनले नेकपा एमाले, नेकपा माओवादी केन्द्र, राप्रपा र हाम्रो नेपाली पार्टीका सांसद्समेतको मत प्राप्त गरिन् । चापागाईंलाई माओवादी सांसद् कुमारी मोक्तान प्रस्तावक तथा आशा लामा समर्थक थिए ।
प्रदेशको उपसभामुख उम्मेदवार गीता काफ्लेले ३ मत पाएकी थिइन् । उनको विपक्षमा ६१ सांसद्ले मतदान गरे भने र तटस्थमा ४४ सांसद् रहे । उनको प्रस्तावकमा सुरेन्द्रराज गोसाईं र समर्थकमा सृजना सैंजु थिए । मतदानका क्रममा १ सय ८ सांसद् उपस्थित थिए । नेपाली कांग्रेसबाट उम्मेदवार बनेकी सुना परियारको भने निर्वाचन भएन । उपसभामुखमा सत्ता गठबन्धनबाट एमालेकी चापागाईं, नेपाली कांग्रेसकी परियार र नेपाल मजदुर किसान पार्टीकी काफ्लेले मनोनयन दर्ता गराएका थिए । निर्वाचित चापागाईं ललितपुरबाट समानुपातिकमा निर्वाचित भएकी हुन् । उपसभामुखमा निर्वाचित उनले आफूले पाएको मतको कदर गर्ने बताइन् । नवनिर्वाचित उपसभामुख चापागाईंको सपथ मंगलबार हुने प्रदेशसभा सचिव कृष्णहरि खड्काले जानकारी दिए ।
२०७७ जेठमा बसेको मन्त्रिपरिषद् बैठकले डा। विष्णुराज उप्रेतीको संयोजकत्वमा नेपाल–भारत सीमासम्बन्धि प्रमाण संकलन कार्यका लागि गठन गरेको ‘विज्ञ समूह’ को सदस्यमा चापागाईं पनि थिइन् ।
सामुदायिक बनकी अभियन्ता उनी सामुदायिक बन उपभोक्ता महासंघकी पूर्वअध्यक्ष र कफसन नेपालकी निवर्तमान अध्यक्ष हुन् । उनी एमालेकी प्रदेश सदस्य र कार्यालय सचिव हुन् । उनी हिमालयन नेपाल फाउण्डेसनकी उपाध्यक्ष छिन् ।
सदनमा एस तटस्थ
सरकार गठनमा समर्थन गर्दै आफंै सरकारमा सहभागी हुन इच्छा देखाइरहेको एकीकृत समाजवादीले सभामुख तथा उपसभामुखका लागि भने मत दिएन । शुक्रबार भएको सभामुखको निर्वाचनमा तटस्थ बसेको समाजवादी सोमबार उपसभामुखको निर्वाचनमा पनि तथस्ट बसेको छ ।
सरकारलाई समर्थन गर्नु र सदन जस्तो ऐन निर्माण गर्ने थलोलाई समर्थन गर्नुमा फरक विषय भएको बताउ“दै उपसभामुखको निर्वाचनमा पनि तटस्थ बसेको एकीकृत समाजवादीले उपसभामुखलाई पनि मत नदिएको उक्त दलका संसद् कृष्णप्रसाद शर्माखनालले बताए ।
‘सरकारलाई समर्थन गरेका हौं । यसको अर्थ हरेक कुरामा समर्थन गर्नुपर्छ भन्ने होइन । सभामुख निर्वाचनमा जसरी नै बैठकमा सहभागी भयौं । तर तटस्थ बस्यौं,’ खनालले भने । मंगलबार मुख्यमन्त्री शालिकराम जम्कट्टेलले विश्वासको मत लिने कार्यक्रममा भने एकीकृत समाजवादी सहभागी भएर विश्वासको मत दिने उनले बताए । मुख्यमन्त्री शालिकराम जम्कट्टेलले मंगलबार सदनबाट विश्वासको मत लि“दै छन् । त्यसअघि सबै प्रक्रिया टुंगिनेछ ।
