काठमाडौं। कला र साहित्यको प्रवर्द्धनमा सक्रिय राष्ट्रिका साहित्य प्रतिष्ठानले नयाँ सल्लाहकार र कार्यसमिति सदस्य मनोनयनसँगै वार्षिक कार्ययोजना तय गरेको छ।
अध्यक्ष ऋषभ देव घिमिरेको अध्यक्षतामा सोमबार बसेको बैठकले प्रा. पुरुषोत्तम दाहाल, श्रीओम श्रेष्ठ ‘रोदन’, प्रा. डा. लक्ष्मणप्रसाद गौतम, पवन आलोक र नन्दकृष्ण जोशीलाई सल्लाहकारमा मनोनयन गरेको हो।
त्यस्तै, कार्यसमितिमा राजेन्द्र केसी र विपिन घिमिरेलाई मनोनयन गर्ने निर्णय गरिएको छ। बैठकले आगामी वर्षका गतिविधि समेटिएको वार्षिक कार्ययोजना समेत पारित गरेको अध्यक्ष घिमिरेले जानकारी दिए।
