काठमाडौँ । पेरुका पूर्व राष्ट्रपति अल्बर्टो फुजिमोरीको बुधबार राजधानी लिमामा ८६ वर्षको उमेरमा निधन भएको छ ।
“क्यान्सरसँग लामो लडाइँ पछि बुबा अल्बर्टो फुजिमोरी प्रभुलाई भेट्न भर्खरै प्रस्थान गर्नुभएको छ,” फुजिमोरीकी छोरी केइकोले सामाजिक सञ्जाल एक्समा लेखेका छन् । गत अगस्टमा जिब्रोको क्यान्सरको उपचार पूरा गरेपछि फुजिमोरीको स्वास्थ्य अवस्था निकै बिग्रिएको उनको परिवारनिकट स्रोतले बताएको थियो ।
लिमाको मिराफ्लोरेस जिल्लाको एक क्लिनिकबाट निस्कँदै गर्दा उहाँलाई अन्तिम पटक बिहीबार सार्वजनिक रूपमा देखिएको थियो । सन् १९९० देखि सन् २००० सम्म पेरुको राष्ट्रपति बनेका फुजिमोरीलाई डिसेम्बरमा मानवीय आधारमा जेलबाट रिहा गरिएको थियो ।
१९९० मा पेरुको राष्ट्रपति बनेका अल्बर्टो फुजिमोरी अधिनायकवादी शासन शैलीका कारण विवादास्पद थिए। उनकै शासनकालमा विश्वलाई हल्लाउने माओवादी छापामार आन्दोलन साइनिङ पाथलाई निर्ममतापूर्वक दबाइएको थियो ।
दर्शनशास्त्रका प्राध्यापक अबिमायल गुजमानको नेतृत्वमा सन् १९८० को दशकमा पेरुको परम्परागत राजनीतिक प्रणालीलाई ध्वस्त गर्दै माओवादी राज्य स्थापना गर्ने लक्ष्यका साथ स्थापित साइनिङ पाथको छापामार आन्दोलन उत्कर्षमा रहेको बेला साइनिङ पाथ जस्ता हिंसात्मक समूहहरूलाई पूर्ण रूपमा समाप्त गर्ने वाचाका साथ सन् १९९० मा अल्बर्टो फुजीमोरी राष्ट्रपति बनेका थिए । । उनको नेतृत्वमा पेरुको सरकारले अत्यन्त सशक्त सैन्य नीति अपनायो र उनीहरूले शहरी क्षेत्रमा फैलिएको साइनिङ पाथको प्रभाव तथा ग्रामीण क्षेत्रमा रहेको पकडलाई निमट्यान्न पार्न बर्बर दमनचक्र चलाएको थियो ।
उनले पेरुको शाइनिंग पाथ र टुपाक अमारु वामपन्थी विद्रोही विरुद्धको युद्धमा सरकारी सेना शाइनिङ पाथ र टुपाक अमारु वामपन्थी आन्दोलनलाई दबाउने भूमिकाका लागि समर्थकले उनलाई एक सफल राजनीतिज्ञका रूपमा सम्झिने गर्छन् भने पेरुका शाइनिङ पाथ र टुपाक अमारु वामपन्थी विद्रोहीले उनलाई एक निरङ्कुश शासकको रूपमा हेर्ने गर्छन् ।
सरकारी सत्य निरूपण आयोगका अनुसार सन् १९८० देखि सन् २००० सम्मको अवधिमा ६९ हजारभन्दा बढीको मृत्यु भएको थियो भने २१ हजार बेपत्ता भएका थिए ।
