बनेपा । बनेपा नगरपालिका वडा नम्बर-९ काे भैरब मार्गस्थित खानेपानी कार्यालय पछाडिकाे सडक ढलान कार्य सम्पन्न भएको छ। खानेपानी कार्यालयबाट मगर गाउँ जाने ८४ मिटर सडक
स्तरोन्नति संपन्न गरिएको उपभोक्ता समितिका अध्यक्ष श्रीकुमार राना मगरले जानकारी दिनुभयो ।
बागमती प्रदेश सरकारकाे १३ लाख बजेटमा निर्माण सम्पन्न भएको उक्त सडकको निवर्तमान बागमती प्रदेशका कृषि तथा पशुपन्छि मन्त्री बसुन्धरा हुमागाई र नेकपा(एकिकृत समाजवादी) बनेपा नगर कमिटीका अध्यक्ष रघुबर चौप्रधानले अनुगमन गर्नु भएको थियो। हुमागाई मन्त्री हुँदा याे सडक स्तराेन्नतिकाे निम्ति प्रदेश सरकारकाे तर्फबाट वजेट विनियोजन भएको थियो ।
अनुगमनमा बनेपा नगरपालिकाका मेयर शान्ति रत्न शाक्य , वडा अध्यक्ष नृपेश वादेकाे पनि सहभागीता रहेको थियो । पुर्व मन्त्री सहित अनुगमनमा जानु भएकाहरुलाई उपभोक्ता समितिका अध्यक्ष राना मगरले स्वागत र धन्यवाद दिनुका साथै आभार व्यक्त गरेका थिए ।
