धुलिखेल/नेपाली कांग्रेसका धुलिखेल नगर सभापति बिदुर बस्नेतले ५० हजार आर्थिक सहयोग उपभोक्ता समितिका अध्यक्ष राजेश लामालाई आज हस्तान्तरण गर्नुभएको छ।
धुलिखेलको पकुचा रवी दाेभान सडकमा ५० लाख बजेटमा उत्साहजनक जनश्रमदान समेतबाट पक्की ड्रेन निर्माण गर्दै गर्दा सम्पन्नकाे चरणमा केही काम बजेट अभावले अधुरै हुनेभएपछि कांग्रेस नगर सभापति बस्नेतले उपभोक्ता समितिलाई रु.५० हजार सहयोग गर्नुभएको हो। उक्त सहयोग रकम प्राप्त गरेपछि अब आर्थिक समस्याबाट काम रोकिन्न र काम जसरी नि पुरा हुन्छ भन्ने विश्वास आफुले लिएको बताउँदै धुनपा- ८ का वडाध्यक्ष विनोद गौतमले थप काम जसरी पनि पूरा गर्ने अठोट गरेकाेले उक्त याेजनामा वडा नं ८ काे तर्फबाट हृदयदेखि धेरै धन्यवाद दिएका छन् । सबैले सकारात्मक सोच राख्नुपर्ने बताउँदै यस्तो सहभागितामुलक श्रमदानले सामाजिक एकता र गुणस्तरीय एवम् पारदर्शी ढङ्गबाट विकास हुने विश्वास आफुले लिएको वडाध्यक्ष गौतमले जानकारी दिनुभयो।
