अष्ट्रेलिया । अष्ट्रेलियामा चितवन समाजकाे छैठौ साधारण सभा सम्पन्न भएको छ। नेपालबाट अष्ट्रेलियामा गएर विभिन्न पेसा ,व्यवसायमा आवद्ध चितवन बासीहरुकाे संस्था चितवन समाजकाे छैठौं साधरण सभा सम्पन्न भएको हो ।
आइतबार भएको साधरण सभाले पुरुषोत्तम सडौलाको अध्यक्षतामा ११ सदस्यीय नयाँ कार्यसमिति चयन गरेको छ। यस्तै संस्थाको सचिव प्रतिक खरेल ,कोषाध्यक्ष शिरिष बर्तौला ,सह कोषाध्यक्षमा रबि पोखरेल र पब्लिक रिलेसन अफिसरमा सरोज पण्डित चयन भएका हुनु भएको छ।
यस्तै गरि सदस्यहरुमा हेमराज काफ्ले ,राधिका गौली ,आनन्द पाठक ,सुजन बर्तौला ,सुशील सडौला ,रबिन्द्र कंडेल ,राम डल्लाकोटी ,अमिन मोहम्मद ,सौगात त्रिपाठी र पुस्पा पाठक रहेका छन् । बुद्धि डर्लाकोटिको संयोजकत्वमा सत्यप्रकास कंडेल ,छबि सापकोटा ,रोसन घले र विकास बर्तौला सदस्य रहेको निर्बाचन कमिटीले आपसी छलफल र सहमतिको आधारमा नयाँ कार्यसमितिको चयन गरेको थियो ।
सिड्नीमा आयाेजित एक कार्यक्रममा निर्बाचन समितिका संयोजक बुद्धि डल्लाकोटीलेनवनिर्वाचित पदाधिकारीकाे नामावली सार्वजनिक गर्नु भएको थियो ।
नवनिर्वाचित अध्यक्ष सडौलाले सहयोग गर्नु हुने सम्पुर्णलाई आभारी साथै धन्यवाद दिदै आगामी दिनमा सस्थाकाे हितमा प्रतिवद्द भएर काम गर्ने बताउनुभएको छ। मैले यस संस्थाकाे जिम्मेवारी बहन गरेपछि आर्जन गरेको एउटा निश्चित उचाईमा पुर्याउने छु । आफुले नेतृत्व गरुन्जेल कहि कतैबाट गल्ती नदेखिने गरि काम गर्ने उहाँको भनाइ रहेको छ।
