चौरीदेउराली काभ्रे - चौरीदेउराली गाउँपालिकाभित्रका विभिन्न वडाका कृषकहरुलाई आधुनिक कृषि औजारहरु वितरण कार्यक्रम सम्पन्न भएको छ। गाउँ पालिकाको अध्यक्ष रेणुका चौलागाईंको प्रत्यक्ष पहल कदमी र प्रमुख प्रशासकीय अधिकृत महानदास लामाको समन्वयमा उक्त कार्यक्रम सम्पन्न भएको हो ।
गाउँ पालिकाको ५०% अनुदानबाट २९ लाख ५० हजार र किसानहरुको ५० % लागत सहभागीमा २९ लाख ५० हजार गरि जाममा ५९ लाख बजेटमा आधुनिक कृषि औजार सामाग्रीहरु खरिद गरि वितरण गरेको थियो । मिनिटिलर -९० वटा, कुटानी मिसानी मिल ६९ वटा, मकै छोडाउने मेसिन -२७ वटा , इलेक्ट्रोनिक स्प्रेयर -६० वटा, पिसानी मिल -३ वटा, ट्याक्टर - १ वटा र बाँदर धपाउने यन्त्र -५ वटा औजारहरु विभिन्न वडाका किसानहरुलाई वितरण गरिएको हो ।
आधुनिक कृषि औजार प्राप्त गरेपछि गाउँ पालिकाको कृषकहरु खुशी भएका छन् । उनीहरू आधुनिक ढंगले खेतीपाती गरेर कृषि उत्पादन बढाउन सकिन्छ भनेर विश्वस्त भएका छन् । यस कार्यले कृषकहरु खुशी भएर गाउँपालिका जनप्रतिनिधि र कर्मचारीहरुलाई आभार व्यक्त गरेका छन्। यस आधुनिक कृषि औजार सामाग्रीहरु कृषकहरुलाई वितरण कार्यक्रम सम्पन्न भएको चौरीदेउराली गाउँ पालिकाको कृषि विकास शाखा प्रमुख रोज कुमार शर्माले जानकारी दिनुभयो ।
