काभ्रे जिल्लामा प्रशासन प्रमुख र प्रहरी प्रमुखमा नयाँ नेतृत्वको आएसंगै प्रहरीको सक्रियता बढेको छ ।
यसैबीच इलाका प्रहरी कार्यालय बनेपाले आज विभिन्न स्थानबाट बरामद गरेको झन्डै २ हजार लिटर घरेलु मदिरा नष्ट गरेको छ । मदिरा नष्ट गर्दै प्रमुख जिल्ला अधिकारी हुमकला पाण्डे, एसपी चक्रराज जोशी, प्रहरी निरीक्षक राजन कोइराला, बनेपा ८ का वडा अध्यक्ष दानवहादुर मानन्धर, बनेपा ९ का वडा अध्यक्ष शेरबहादुर सुवाल लगायतको उपस्थितिमा घरेलु मदिरा नष्ट गरेको हो ।
जिल्ला प्रहरी कार्यालय काभ्रेले बुधबार ५ सय लिटर कच्चा पद्धार्थ र १५ सय ६६ लिटर अवैध घरेलु मदिरा नष्ट गरेको छ । जिल्लाका विभिन्न स्थानबाट घरेलु मदिरा तथा कच्चा पदार्थ बरामद गरिएको जिल्ला प्रहरी कार्यालय काभ्रेले जनाएको छ ।
जिल्लामा नयाँ नेत्तृत्व सम्हालेका प्रमुख जिल्ला अधिकारी हुमकला पाण्डे र जिल्ला प्रहरी कार्यालय काभ्रेका प्रमुख प्रहरी उपरीक्षक (एसपी) चक्रराज जोशीले काभ्रेको विभिन्न स्थानमा गरेको अनुगमन तथा निरीक्षण गर्नुका साथै अपराधजन्य गतिविधि नियन्त्रणका लागि जोड दिइएको थियो ।
