पछिल्लो २४ घण्टामा देशभर थप ६ हजार ७३४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार एन्टीजेन परिक्षणमा ९८७ जना र पीसीआर परिक्षणमा ५ हजार ७४७ जनामा कोरोना संक्रमण पुष्टि भएको हो । त्यस्तै, सोही अवधिमा थप ५४७ जना कोरोना संक्रमण मुक्त भएका छन् भने ३ जना संक्रमितको मृत्यु भएको छ ।
हालसम्म मृतकको संख्या ११ हजार ६२३ पुगेको छ । यस्तै, कोरोना मुक्त हुनेको कुल संख्या ८ लाख १६ हजार ९८५ पगेको मन्त्रालयले जनाएको छ ।
हाल देशभर ३० हजार ८७७ जना संक्रिय संक्रमित रहेका छन् । जसमध्ये एक सय जना क्वारेन्टाइनमा रहेको मन्त्रालयले जनाएको छ ।
