काभ्रे । जिल्ला आयुर्वेद स्वास्थ्य केन्द्र काभ्रेले जिल्लामा कृयाशिल पत्रकारहरुसँग छलफल तथा अभिमुखिकरण सम्पन्न गरेको छ ।
कार्यक्रमलाई सम्बोधन गर्दै प्रमुख अतिथि बनेपा नगरपालिकाका नगर प्रमुख शान्तिरत्न शाक्यले जिल्ला प्रदेश स्तरीय आयुर्वेद अस्पताल बनाउन नगरको तर्फबाट जग्गा उपलब्ध गराइ सकेको जानकारी दिनुभयो । नगरप्रमुख शाक्यले आयुर्वेद अस्पताल निर्माणका लागि बनेपा वडा नम्बर ६ मा सार्वजनिक जग्गा उपलव्ध गराउने निर्णय भईसकेको र नापी नक्सा समेत भएको र तर के समस्याले काम अगाडि बढ्न सकेन यसबारे सञ्चारजगत्ले चासो राखी खोजी गर्न अनुरोध गर्नुभयो ।
जिल्ला आयुर्वेद स्वास्थ केन्द्र बनेपा काभ्रेका प्रमुख डा. वशंवदाम्बा कौण्डिन्न्यायनीले पछिल्लो समय आयुर्वेदीक चिकित्सा विज्ञानको महत्व बढ्दै गएको जानकारी दिनुभयो । डा. कौण्डिन्न्यायनीले स्वस्थ्य जीवनको लागि विशेष खानपानमा ध्यान दिनुपर्ने कुरामा जोडदिनुभयो । उहाँले भन्नुभयो–मानिसले आजको समयमा खानपिनलाई ध्यान दिन नसकेको र तेलिय पदार्थले मानव स्वास्थ्यमा असर गरेको बताउनु भयो । ५ प्रकारका अखाद्यबारे जानकारी दिनुहुँदै बजारमा पाईने जति पनि खाद्य सामाग्री छन््, ती सबै खान योग्य नभएको डा. कौण्डिन्न्यायनीले बताउनुभयो । डा. कौण्डिन्न्यायनीले डाल्दा ध्यू, स्वयाविन र सनफ्लावरको तेल खान योग्य नभएको, प्रशोधित तेल, मैदा र आयोनुन पनि कम प्रयोग गर्न सुझाव दिनुभयो ।
बनेपा नगरपालिका वडा नम्बर ५ स्थित कार्यालयमा आयोजना गरिएको छलफल कार्यक्रममा नेपाल पत्रकार महासंघ काभ्रे शाखाका अध्यक्ष बद्रीराज तिमल्सिनाले जिल्ला आयुर्वेदले पत्रकारहरुसँगको अन्र्तक्रियाले आयुर्वेद स्वास्थको विषयमा जनचेतना फैलाउन सहजिकरण हुने बताउनु भएको थियो । जिल्ला आयुर्वेद स्वास्थ्य केन्द्रको गतिविधिबारे रमेशप्रसाद पनेरुले जानकारी दिनभएको थियो ।
