काभ्रे : काभ्रे -२ मा कुनै विवाद नहुँदा पनि मतदान सकिएको ३० घन्टापछि मात्र मतगणना शुरु भएको छ। पहिलाे बेथानचोक गाउँपालिका- १ बाट मतगणना सुरु भएको हो।
निर्वाचन आयोगको फितलो व्यवस्थापन र मुख्य निर्वाचन अधिकृत मनोमानी व्यवहारका कारण मत गणनामा ढिलाई भईरहेको मतगणनामा खटिएका दलका प्रतिनिधिहरु बताउँछन् ।
सर्वदलीय बैठकमा पहिलो चरणमा प्रतिनिधि सभाको मात्र मत गतगणना गर्ने, मतगणना एक ठाउँमा मात्र गर्ने र ५ बजे मतगणना शुरु गर्ने दलहरु बीच सहमति भएको थियो। तर सर्वदलीय सहमति विपरित ६:३० मा मतगणना शुरु गर्ने सुचना सार्वजनिक गरे । पुनः ९ बजे मात्र मतगणना शुरु गर्ने बताइयो। दलहरुको सहमति विपरित मुख्य निर्वाचन अधिकृत मोहनराज भट्टराईको एकल चाहनामा मतगणना स्थलको संख्या एकबाट बढाएर ३ स्थानमा बनाएको बुझिएको छ। मुख्य निर्वाचन अधिकृत भट्टराईको फितलो व्यवस्थापन र सर्वदलीय सहमति विपरित एकतर्फी पटक पटक समय परिवर्तन गर्नु शंकास्पद रहेको दलका नेताहरु बताउँछन्।
मतगणना तयारीको नाममा मुख्य निर्वाचन अधिकृतले के खिचडी पकाउँदै छ भन्ने आशंका जिल्लाबासीमा बढ्दै गएको छ। स्थानीय तहमा धुलिखेलमा भए जस्तै शंका लाग्न थालेको एक उम्मेदवारले नाम उल्लेख नगर्ने शर्तमा बताए। १ बजे बोलाइएको सर्वदलीय ३ बजे बल्ल बसेका थिए । सर्वदलीय बैठकमा भएको विपरित ६:३० मा गणना शुरु गर्ने भनेको १०:३० बज्दा पनि शुरु नहुनु केही गडबडीको संकेतको रुपमा बुझ्नु पर्ने पो हो कि? -उनले प्रतिप्रश्न गरे ।
स्थानीय निर्वाचनमा पनि यस्तै अनिर्णयको बन्दी बनाएको थियो। अहिले पनि त्यही स्थिति किन? तयारी नपुगेको हो भने दिनभरि के हेरेर बसेछ? ७२ घन्टामा मत परिणाम सार्वजनिक गर्छु भन्ने निर्वाचन आयोगको यो रबैयालाई दलहरु नबोलेको किन? प्रश्न उब्जिएको छ।
यसैबीच प्रतिनिधि सभा क्षेत्र नम्बर १ मतगणना स्थगित भएको बताइएको छ।
