बनेपा/नेपाल सितेरियो सोबुकान कराँते डो काभ्रेपलाञ्चोकमा हरि मानन्धरको अध्यक्षतामा नयाँ कार्य समिति चयन गरिएको छ ।
नवगठित कार्यसमितिको उपाध्यक्षमा बुद्धशरण मानन्धर, सचिव उमेश तौजले, कोषाध्यक्ष भाईकाजी श्रेष्ठ, सदस्यहरुमा रेशम कार्की, श्रृष्टी लामा, गम्भिर लामा, महेशकुमार थापा, जीवन भुजेल र राजेन्द्र तामाङ रहेका छन् ।
समितिका पदाधिकारीलाई जिल्ला खेलकुद विकास समितिका अध्यक्ष मानविर वाइवाले खादा ओढाई बधाई दिएका थिए।
सोही क्रममा जिल्ला खेलकुद विकास समितिका अध्यक्ष मानविर वाइवाले बधाइ मन्तव्य राख्दै जिल्लाको खेलकुदको विकासको लागि आफु सक्रिय रहने प्रतिवद्धता व्यक्त गर्नुभयो। साथै उहाँले सबै क्षेत्रबाट सहयोग गर्न अपिल गर्नुभयो। बनेपाका पुराना खेलाडी सौरभ कायस्थको सभापतित्वमा भएको बधाइ कार्यक्रममा हरि मानन्धरले नेपाल सितेरियो सोबुकान कराँते डोको विकासको लागि सामुहिक प्रयास जरुरी रहेको बताउनुभयो। सोही कार्यक्रम नवनियुक्त जिल्ला खेलकुद विकास समितिका अध्यक्ष मानविर वाइवालाई नेपाल सितेरियो सोबुकान कराँते डोको तर्फबाट कार्यकाल सफलताको शुभकामना तथा बधाइ ज्ञापन गरेका थिए।
