बनेपा/काभ्रेपलाञ्चोक जिल्लाको बनेपा नगरपालिका वडा नम्बर-६, गोसाँईस्थानस्थित् टावरको सिँढीमा मृत भेटिएका व्यक्तिको पहिचान खुलेको छ । जिल्ला प्रहरी कार्यालय काभ्रेपलाञ्चोकका अनुसार रोशी गाउँपालिका वडा नम्बर ४ लेम्बावेशी घर भई हाल बनेपा नगरपालिका वडा नम्बर ६ राममन्दिरमा बस्दै आएका ३६ वर्षीय देवराज तामाङ हुन् । देवराजका भाई भिमराज तामाङले मृतकको सनाखत गरेका हुन् ।
घटनास्थलमा मुखमा फिंज देखिनुका साथै बान्ता गरिएको देखिएकोले मृतक तामाङले विष सेवन गरेको हुन सक्ने प्रारम्भिक अनुसन्धानमा देखिएको इलाका प्रहरी कार्यालय बनेपाका प्रमुख लालध्वज सुवेदीले जानकारी दिनुभयो। भर्खर सनाखत भयो अब अनुसन्धानले खुल्दै जाला- उहाँको भनाई थियो।
देवराजको शव आज साढे ६ बजेतिर गोसाँईस्थान टावरको सिँढीमा मुखमा सेतो फिज काटेको अवस्थामा फेला परेको थियो ।
