तेमाल/तेमाल गाउँपालिका वडा नं ३ सरमथलिकाे चैथलिमा परासर पन्तहरुकाे कुल देवता कालिका बाल गाेरलकाे मन्दिर एक समाराेहका बीच उद्घाटन भएको छ।
परासर पन्त समाज नेपालका केन्द्रीय समितिका अध्यक्ष मातृकाप्रसाद पन्त र उपाध्यक्ष तेजप्रसाद पन्तले मन्दिरको संयुक्त रुपमा उद्घाटन गर्नुभएको थियो। कार्यक्रममा प्रमुख अतिथि मातृकाप्रसाद पन्तले पन्तहरुकाे कुल पुजा हरेक वर्ष चैते दशैकाे दशमीकाे दिन नियमित गर्दै जाने र बाँकि काम पनि नियमित गर्दै जाने कुरामा जाेड दिएका थिए । परासर पन्तहरुकाे कुल पुजामा अतिथि विष्णुप्रसाद पन्त (गाेपि), तेजप्रसाद पन्त, घनश्याम पन्त लगायतले सम्बाेधन गरेकाे उक्त कार्यक्रमकाे संचालन परासर पन्त समाज नेपालका केन्द्रीय सचिव बाबुकृष्ण पन्तले गरेका थिए ।
काभ्रेपलान्चोक जिल्लामा परासर गाेत्रिय पन्तहरुकाे याे पहिलाे मन्दिर हाे भने देश भरिमा याे चाैथाे मन्दिर रहेकाे परासर पन्त समाज नेपालका केन्द्रीय सचिव श्रि बाबुकृष्ण पन्तले बताउनुभयो। मन्दिर निर्माणका लागि १० आना जग्गा स्थानीय पार्वती पन्त र छाेरा गाेकुल पन्तले नि:शुल्क पास गरेर परासर पन्त समाज नेपालका नाममा दिएकाे बताइयो ।
परासर पन्तहरुकाे आपसी सहयाेग करिव ९ लाख रुपैयाँमा निर्माण भएकाे मन्दिरकाे आम्दानी र खर्चकाे हिसाब मन्दिर निर्माण समितिका अध्यक्ष तेजप्रसाद पन्तले पेश गरेका थिए । १ लाख २६ हजार रुपयाँ एकमुष्ठ सहयाेग गरेका विष्णुप्रसाद पन्त ( गाेपि) ले कर्ता बसेर कसैसँग नबाेलि विधि पुर्वक सामुहिक कुल पुजा गरेका थिए ।
