सुकुटे/नेपाल स्रष्टा समाजले २०७९ सालको २ दिवसीय पिकनिक कार्यक्रम सुकुटे रिभर फन विच रिसोर्टमा विभिन्न कार्यक्रम गरी सम्पन्न गरेको छ ।
कार्यक्रममा प्रायः श्रष्टाहरुले कविता, मुक्तक, लघुकथा वाचन गरेका थिए । उक्त कार्यक्रममा नयाँ, विशिष्ट, आजीबन सद्स्यहरुलाई अध्यक्ष साहित्यकार श्रीओम श्रेष्ठले प्रमाणपत्र वितरण गर्नु भएको थियो । विधान आचार्य, शंकर भारती , सदानन्द कँडेल लगायतले आफ्नो मन्तब्य राख्नु भएको थियो । बक्ताहरुले नेपाल स्रष्टा समाजको स्थापनाको पृस्ठभुमि र वर्तमान अबस्थाबारे चर्चा गरेका थिए ।
परिचयात्मक कार्यक्रम, नाचगान , प्रभातकालीन हाइकिङ, हांँडी फुटाउने खेल, स्विमिंग लगायत बिभिन्न कार्यक्रम गरेर सहभागी स्रष्टाहरुले मनोरञ्जन गरेका थिए । ४७ जना सदस्यहरुको सहभागिता रहेको उक्त पिकनिकमा औपचारिक कार्यक्रमको अध्यक्षता समाजका अध्यक्ष साहित्यकार श्रीओम श्रेष्ठ तथा सन्चालन साहित्यकार छविरमण सिलवालले गर्नुभएको थियो
