बनेपा । नगरपालिका वडा नं ६ खत्री गाउँमा डिप बोरिङको लागि राखिएको १०० केभिएको ट्रान्सफरमर चोरी भएको छ। ट्रान्समिटर गएराति चोरी भएको हो ।१०० केभी ट्रान्समिटर र १५० के.जी तामा रहेको ट्रान्समिटर चोरी भएको खानेपानी उपभोक्ता समितिले जनाएको छ ।
ट्रान्सर्फमर भित्र १५० किलो तामा रहेको र उक्त तामा चोरी भएको छ। चोरीपछि खानेपानी प्रवाहमा समस्या आउने भएको छ। यही भदौभित्र खानेपानी वितरण गर्ने योजना रहेकोमा यो घटनाले समस्या बनाएको बताइएको छ। स्थानीय उपभोक्तालाई समेत ध्यानमा राखी ट्रान्समिटर जडान गरिएको थियो। स्थानीय उपभोक्ताको घरमा बिजुली पावर सप्लाई पुरा नआउने र पानी तान्ने मेशिन नचल्ने हुँदा १००० केभिएको ट्रान्सफर्मर जडान गरिएको थियो। ट्रान्सफर्मरको ८ लाख र जडान ४/५ लाख गरी करीब १३ लाख क्षति पुगेको बनेपा ६ का वडाध्यक्ष सचितानन्द केसीले जानकारी दिनुभयो।
उक्त ट्रान्सफरमर मा करेन्ट प्रवाह समेत भइरहेको थियो । ट्रान्सफरमर चोरी गर्ने अत्याधुनिक मेसिन प्रयोग गरिएको हुनसक्ने अनुमान गरिएको छ।
प्रहरीले यस विषयमा अनुसन्धान अगाडि बढाइसकेको छ।
