फागुन,१२
काभ्रे। संघीय संसद प्रतिनिधि सभाकी उपसभामुख ईन्दिरा रानाले आफु सधै किसानको पक्षमा रहेको बताउनु भएको छ।
आज काभ्रेको बनेपामा नेपाल व्यवसायिक बाख्रा पालन महासंघको तेस्रो राष्ट्रिय महाधिवेशन उदघाटन समारोहलाई सम्बोधन गर्दै उपसभामुख राना मगरले व्यवसायिक रुपमा कृषि कर्म गर्दै आउनुभएका किसानले भोग्नुपरेको कानुनी समस्या समाधान गर्न आफू सधै तयार रहेको बताउनुभएको हो।
उपसभामुख राना मगरले आफु समस्या सुन्ने र कार्यन्वयन गराउन पहल गर्ने ठाउँमा भएकाले जनताको समस्यालाई जिल्लाका प्रतिनिधिहरुले संसदको रोष्टमबाट सरकारलाई जानकारी गराउन आग्रह गर्नुभएको छ। साथै आफुलाई जसले ,जहाँ जुन विषयमा पनि ध्यानाकर्षण पत्र दिएर स्मरण गराई राख्न पनि अनुरोध गर्नुभएको छ।
खाद्य बस्तु उपभोक्ताको अभिभावक कृषकहरु नै रहेको बताउँदै उहाँले सबैले किसानलाई सम्मान र उचित मुल्याङ्कन गर्नुपर्ने र किसानले पनि गुणस्तरीय उत्पादनमा जोड दिनुभयो। उहाँले किसानलाई उत्पादन सामग्रीहरूले बजार नपाएको भनि गुनासो गर्नु भन्दा गुणस्तरमा विषेश ध्यान दिन सुझाव दिनुभएको छ।
आफुले पनि समाज सेवाबाट प्राप्त गरेको पुरस्कार र राशी समेत कृषिमा लगानी गरेर आत्मनिर्भरतामा जोड दिएको खुलासा गर्नुभयो।
