चौरीदेउराली/चौरीदेउराली गाउँपालिका काभ्रेपलान्चोकले आजदेखि छैठौ राष्ट्रपति रनिङ शिल्डकप प्रतियोगिता संचालनमा ल्याएको छ ।
कार्यक्रमको शुरूवाति चरणको खेलहरुमा छात्रा र छात्र सटपुट , लङजम्पबाट शुरु गरी उद्घाटन सत्र शुरु गरेको थियो ।
कार्यक्रमको उद्घाटन बागमती प्रदेशका प्रदेशसभा सदस्य तथा नेकपा माओवादी केन्द्रका दलका प्रमुख सचेतक तथा पुर्व युवा तथा खेलकुद मन्त्री माननीय रत्नप्रसाद ढकालको प्रमुख आतिथ्यता र गाउँपालिका प्रमुख रेणुका चौलागाईंको अध्यक्षता, गाउँपालिका उपप्रमुख शेरबहादुर लामा, प्रशासकिय प्रमुख महानदास लामा र सबै वडाको वडा अध्यक्षहरुको विशेष आथित्यतामा र जिल्ला खेलकुद संघका एम्पायरहरुको आतिथ्यतामा उदघाटन सम्पन्न भएको थियो ।
कार्यक्रम उदघाटन सङ्गै छात्र भलिबल र छात्रा भलिबलका समुहचरणको प्रतियोगिताहरु पनि सम्म्पन्न भएको छ । साथै गाँउपालिका भरी रहेका प्रत्येक वडाहरुको विद्यालयहरु बिचमा पनि मैत्रीपुर्ण शिक्षक भलिबल प्रतियोगिता संचालन हुने कार्यक्रम रहेको बताइएको छ ।
