दोलालघाट । नेपाल कम्युनिष्ट पार्टी एमाले भुम्लु गाउँ कमिटीले नेकपा एमालेका अध्यक्ष एवं पुर्वप्रधानमन्त्री केपी शर्मा ओलीलाई दोलालघाटमा भव्य स्वागत गरेको छ । पार्टीको झुलाघाट–चिवा भञ्ज्याङःसमृद्धिका लागि संकल्प यात्रा अन्तर्गत धुलिखेलबाट सिन्धुपाल्चोक हुँदै दोलखातर्फ जानेक्रममा दोलालघाटमा भव्य स्वागत गरिएको हो ।
भुम्लुबासीले डम्फु लगायत स्थानीय बाजागाजासहित स्वागत् गरिएको नेकपा एमालेका नेता तथा भुम्लु इन्चार्ज प्रेम लामाले जानकारी दिए । झुलाघाटदेखि कोशी पाँचथरको चिवाभञ्ज्याङसम्मको समृद्दिका लागि नेकपा एमालेको संकल्प यात्राको महाअभियानको क्रममा मध्य पहाडी राजमार्ग (पुष्पलाल लोकमार्ग) को १८७९ किलोमिटर यात्राको क्रममा १२औं दिनमा २०८० मंसिर २५ सोमबार नेकपा एमालेका अध्यक्ष एवम् पुर्व प्रधानमन्त्री केपी शर्मा ओली लगायत सिङ्गो पाटी नेतृत्वको टिमलाई भुम्लु गाउँपालिका दोलालघाटमा स्वागत तथा भेटघाट गर्न पाउँदा हामी अत्यन्तै खुशी छौं -नेता लामाले भन्नुभयो। यसैगरी नेता लामाले कार्यक्रम सफल पार्न सहयोग गर्नुहुने सबैलाई धन्यवाद दिनुभएको छ।
यसैबीच एमाले अध्यक्ष ओलीले माछा तारेर पार्टी कार्यकर्ताहरुलाई खुवाउनुभएको थियो। एमाले अध्यक्ष तथा पुर्व प्रधानमन्त्री ओलीले सामाजिक सञ्जाल फेसबुकमा फोटाे पोष्ट गर्दै यात्राको क्रममा दोलालघाटमा ओर्लिएर साथीहरुलाई माछा तारेर खुवाएको उल्लेख गरेका छन्। उनले इन्द्रावती र भोटेकोशी नदीको संगमस्थल दोलाघाट माछाको लागि प्रख्यात रहेको समेत बताएका छन् ।
यसैबीच माओवादी नेता सरल सहयात्रीले एमाले अध्यक्ष तथा पुर्व प्रधानमन्त्री केपी ओलीलाई सिन्धुपाल्चोकमा भव्य स्वागत गर्नुभएको बताइएको छ।
