बनेपा-विप्लव नेतृत्वको नेपाल कम्युनिस्ट पार्टी बनेपा नगर समितिको भेला नेपाल कम्युनिस्ट पार्टीका पोलिटब्युरो सदस्य कान्छाराम सीको प्रमुख आतिथ्यतामा सम्पन्न भएको छ।
भेलाको उद्घाटन गर्दै प्रमुख अतिथि कान्छाराम सी ले अन्तरास्ट्रिय भु-राजनिति, र अर्थ राजनितिका कारणले गर्दा ठुला साम्राज्यवादी शक्तिहरूले उत्पीडित रास्ट्र र जनतामाथि उत्पीडन लादिरहेको चर्चा गर्दै त्यसैको प्रतिफल नेपालमा एमसीसी जस्तो रास्ट्रघाती परियोजना मार्फत आउन खोजेको कुरा बताउनु भयो । उहाँले नेपालको सन्दर्भमा सही क्रान्तिकारी बिचार बोकेको पार्टी नेपाल कम्युनिस्ट पार्टी भएकाले त्यसमा गोलबन्द हुन अपिल गर्नुभयो ।
गोकुल सी को अध्यक्षता र रामहरी सी को सञ्चालनमा भएको भेलामा केन्द्रीय सदस्य तथा काभ्रे जिल्ला इन्चार्ज बिन्दु सी, केन्द्रीय सदस्य तथा निर्वाचन-२ का इन्चार्ज कमरेड जितबहादुर सी, केन्द्रीय सल्लाहकार द्वय दीपक सी र सिद्दिबहादुर सी, केन्द्रीय प्रतिनिधि सदस्य तथा काभ्रे जिल्ला सेक्रेटरी कमरेड प्रेरक सी, केन्द्रीय प्रतिनिधि सदस्य कमरेड सुरेन्द्र सी र जिल्ला सदस्य तथा जबस इन्चार्ज कमरेड परिभाषा सी लगायतका वक्ताहरुले शुभकामना मन्तव्य राखेका थिए ।
भेलाले गोकुल सी सेक्रेटरी रहेको २१ सदस्यीय बनेपा नगर समितिको निर्वाचित गरेको छ । जसमा रिपुमदन सी, उत्तम सी, ज्ञानकाजी सी, रामशरण सी, नानीराम सी, विर ब. सी, जीत सी, समिर सी, जनिता सी, सानुभाइ सी, वेद प्रसाद सी, विष्णु सी, कमला सी, उमङ्ग सी, सुर्य सी लगायत रहेका छन्। भेलाले बनेपा नगर इन्चार्जमा रामहरि सी र सह- इन्चार्ज प्रविण सीलाई तोकेको छ।
