बनेपा/बनेपा -६ वडा महिला कार्यसमितिको आयोजनामा हरितालिका तीज २०८२ तथा विशेष सांस्कृतिक कार्यक्रम बनेपाको गोसाइस्थानमा आयोजना गरिएको छ । अध्यक्ष नानु कुईकेलको अध्यक्षतामा सम्पन्न कार्यक्रममा बनेपा नगरपालिका -६ का वडाध्यक्ष सचितानन्द के.सी.को प्रमुख आतिथ्यता रहेको थियो ।
कार्यक्रममा बोल्दै प्रमुख अतिथी वडाध्यक्ष के.सी.ले तीज कार्यक्रमले महिलाहरुको सचेतना तथा सकारात्मक भावलाई संगठित गर्ने बताए ।
वडाध्यक्ष के.सी.ले वडाको विकासमा सहकार्य गर्न वडा महिला कार्यसमिति गठन गरिएको जानकारी दिए । वडाको विकासको लागि जस्तोसुकै कदम चाल्न आफु तयार रहेको बताए । कार्यक्रममा वडा सदस्य लालकृष्ण तिमल्सिना, विष्णु नारायण श्रेष्ठ, बिजया न्यौपाने लगायतका वक्ताहरुले शुभकामना मन्तव्य राखेका थिए ।
कार्यक्रममा संस्थाका उपाध्यक्ष कविता श्रेष्ठले स्वागत मन्तब्य राखेकी थिईन् भने कोषाध्यक्ष रमा मिश्र भुजेलले कार्यक्रम संचालन गरेकी थिईन् । कार्यक्रममा वडा नम्वर ६ का अधिकांश महिलाहरुको सहभागिता रहेको थियो । हरेक वर्ष महिला वडा महिला कार्यसमितिले तीज लगायतका सामाजिक अभियानका कार्यक्रमहरु आयोजना गर्दै आएको छ । नानु कुइँकेलले महिलाहरुको शशक्तिकरणमा तीज विशेष हुने बताईन् ।
