धुलिखेल/प्राकृतिक विपद् बाढी, पहिरो, डुबान लगायतका घटनामा परी काभ्रेमा ६२ जनाको मृत्यु भएको छ । जिल्ला प्रहरी कार्यालय काभ्रेका अनुसार विपद्का घटनामा परी हालसम्म ६३ जनाको ज्यान गएको छ भने ४ जना बेपत्ता छन् । मृत्यु हुनेहरुमा धुलिखेलमा -२, बनेपामा -३, पनौतीमा -१८(एक विदेशी नागरिक), मन्डनदेउपुरमा -८, नमोबुद्धमा -५, रोशी -६, चौरीदेउरालीमा-१, बेथानचोकमा -७, तेमालमा -९, भुम्लुमा -३ गरी जम्मा ६२ पुगेको प्रहरीले जनाएको छ। यस्तै ५२ जना घाइते भएका छन् ।
काभ्रेमा आइतबार बिहानैदेखि नेपाली सेनाका तीन वटा हेलिकोप्टरले राहतका सामाग्री लानुका अलपत्र परेका यात्रुहरुलाई उद्धार कार्य गर्दै आएका छन् । आज दिनभर पनि उद्धार कार्य जारी रह्रयो । हेलिकोप्टरबाट ४५१ जनाको उद्धार गरिएको छ । जसमा ३७ जना भारतीय नागरिकको समेत उद्दार गरिएको जिल्ला प्रहरी प्रमुख एसपी बसुन्धरा खड्काले जानकारी दिनुभयो। नेपाली सेना, सशस्त्र प्रहरी, नेपाल प्रहरी, स्थानीय लगायतको सहयोगमा ३ हजार २ सय ७४ जनाको उद्धार गरिएको छ ।
