बल्थली / राष्ट्रपति रामचन्द्र पौडेल पनौती–११, बल्थलीस्थित लड्केश्वरमा भइरहेको कोटी होममा सहभागी भएर पूजा अर्चना गर्नुका साथै फूलप्रसाद ग्रहण गरेका छन् ।
उनले कोटीहोमबाट समाज, देश र जनताको कल्याण होस भन्ने कामना समेत गरे । सचिवालयका सदस्यसहित आएका राष्ट्रपति पौडेलले केहीबेर कोटी होमस्थलमा बिताएका थिए ।
ओमकार फाउण्डेशनको आयोजनमा २०८० फाल्गुन २ गतेदेखि लड्केश्वरमा राष्ट्रिय कोटी होम सञ्चालन हुँदै आइरहेको छ ।
मण्डनदेउपुर नगरपालिकाको प्रशासनिक भवन उद्धघाटन गर्न काभ्रेका आएका राष्ट्रपति पौडेल त्यसपछि कोटी होममा सहभागी भएका हुन् ।
प्रत्येक बर्ष हरिवोधनी एकादशीको दिन लड्केश्वरमा मेला लाग्दै आएको छ ।
