हेमराज दाहाल, नवलपुर
कमन बिनाको तिमी
कम्युन बिनाको तिमी
एउटा हातले गिता बोक्नु
अर्को हातमा बाइवल,कुरान छोप्नु
केहि नभए त्रिपिटक छदैछ
ओशो,सद्गुरु , रामदेव को भर्सन
मिसायो मार्क्सवादी दर्शन
वाह् कम्युनिष्ट,क्या कम्युनिष्ट ।।
तिमी त हिजोआज जाली भएछौ
फाउल खेल्थ्यौ पहिला
आजभोली त झ्याली भएछौ।
भन्न बाकी छ प्रभु को लिला अपरम्पार
हाँडी गाउँको जात्रा सिद्रा को व्यापार
वाह् कम्युनिष्ट,क्या कम्युनिष्ट।।
अन्तराष्ट्रिय गित नै गाउदैन
गुनगुनाउन नि सायद आउदैन
रातो तातो सलाम नै भुल्यौ
पुंजीवादमा फल नै नलाग्ने गरी फुल्यौ
वर्गियता कता हो कता हरायो
हामि कम्युनिष्ट भन्दै संसदमा करायो
वाह् कम्युनिष्ट क्या कम्युनिष्ट
2081/05/27
