काभ्रे/काभ्रे जिल्लामा समाजवादी मोर्चा नेपालको गठन भएको छ । नेकपा एसको वागमती प्रदेश समितिको सचिव एवम् बागमती प्रदेश सरकारको श्रम रोजगार तथा यातायात मन्त्री लक्ष्मण लम्साल, नेकपा माओवादी केन्द्रको केन्द्रीय सदस्य कृष्ण अधिकारी र प्रदेश सचिवलाय सदस्य काभ्रे जिल्ला सह–इन्चार्ज मिन बहादुर वाइवा (ज्वाला) उपस्थितिमा भेलाले नेकपा एकीकृत समाजवादी काभ्रेका जिल्ला अध्यक्ष कमरेड बसुन्धरा हुमागाईको संयोजकत्वमा प्रत्येक घटकपार्टीहरुबाट २/२ जना मोर्चामा रहनेगरी ८ सदस्यसीय जिल्ला स्तरीय कमिटी गठन भएको छ ।
नेकपा एकृकीत समाजवादी पार्टीको तर्फबाट संयोजक बसुन्धरा हुमागाई सदस्यहरुमा नेकपा माओवादी केन्द्रको तर्फबाट जिल्ला संयोजक भोला प्रसाद अर्याल, जिल्ला सचिव दैवलाल घिसिङ (अनुशील), जनता समाजवादी पार्टीबाट जिल्ला अध्यक्ष वीरबहादुर तामाङ, जनता समाजवादी पार्टीबाट जिल्ला कोषाध्यक्ष शेखर लामा, नेकपाको केन्द्रीय प्रतिनिधि प्रेरक सि र नेकपा एकीकृत समाजवादीबाट गोकुल गौतम सदस्य सचिव रहनेगरी मोर्चा गठन गरिएको बताइएको छ।
मोर्चाको केन्द्रीय नीति अनुसार घटक दलहरुले आलोपालो गरी मोर्चाको नेतृत्व गर्ने निर्णय गरेको छ । नेकपाबाट मोर्चामा १ जना सदस्य पछि थप गरिने गरि कमिटी गठन गरिएको छ ।
