काठमाडौं/देवकोटा - लुसुन प्रज्ञा प्रतिष्ठानको आयोजनामा 'स्मृतिमा शान्तदास' कार्यक्रम शुक्रबार प्रतिष्ठानको कार्यालय अनामनगरमा सम्पन्न भएको छ ।
उक्त कार्यक्रममा मार्क्सवादी चिन्तक निनु चापागाईं, जीव वैज्ञानिक प्रा.डा. मुकेश चालिसे, बालसाहित्यकार रामबाबु सुवेदी, शान्तदासका अभिन्न मित्र तुलसी सायमी, साहित्यकार कृष्णमोहन जोशीले साहित्यकार शान्तदासका बारे बिबिध कोणबाट धारणा राख्नुभएको थियो ।
देवकोटा-लुसुन प्रज्ञा प्रतिष्ठानका अध्यक्ष सुनिलकुमार पौडेलको सभापतित्व र उपाध्यक्ष मातृका पोखरेलले स्वागत मन्तव्य राख्नुभएको उक्त कार्यक्रमको सञ्चालन साहित्यकार सिर्जना शर्माले गर्नुभएको थियो ।
