बनेपा/पताञ्जलि योग समिति काभ्रे, महिला पतञ्जली योग समिति र युवा नेपाल काभ्रेको संयुक्त आयोजना र बनेपा नगर समितिको संयोजनमा आइतबारदेखि बनेपाको लायकुमा सञ्चालन भएको ५ दिने बृहत पतञ्जली बृहत् योग शिविर आज संपन्न भएको छ ।
बनेपाको लायकु राज मन्चमा जेठ १३ देखी १७ गते सम्म संचालन भएको उक्त शिविरमा पहिलो र दाेस्रो दिन केन्द्रिय महिला प्रभारी पुज्या साध्वी देवादितिबाट तेस्रो, चौथो र पाँचौ दिन पतंजली योग समिति नेपालका केन्द्रिय सदस्य तथा बाग्मती प्रदेश प्रमुख ग्रुविन तौजलेले संचालन गर्नु भएको थियो ।
वागमती प्रदेश सांसद कन्चनचन्द्र बादेले शिविर समापन कार्यक्रमलाई संबोधन गर्नुहुँदै बालक, युवा बृद्ध सबै उमेरकालाई योग आवश्यक रहेकाले पाठ्यपुस्तकमै योगको विषय राख्नुपर्ने कुरामा जोड दिनुभयो । सबै मानिस स्वस्थ, र सकारात्मक हुन योग अनिवार्य रहेको भनाई राख्नुहुँदै प्रदेश सांसद बादेले विद्यालयको पाठ्यक्रममा नै योगको विषय राखी विद्यार्थी जीवन मै योगको बारेमा सिकाउनु पर्ने बताउनुभयो ।
शिविर समापन कार्यक्रममा पतंजली योग समिति नेपालका केन्द्रिय सदस्य तथा बाग्मती प्रदेश प्रमुख ग्रुविन तौजले, बनेपा नगरपालिका वडा नम्बर १० का वडा अधयक्ष चन्द्रबहादुर खड्का लगायतले योगको महत्वका बारेमा चर्चा गर्नु भएको थियो ।
कार्यक्रममा स्वागत मन्तव्य महिला पतंजली योग समिति काभ्रेका अध्यक्ष इन्दिरा तौजलेले राख्नु भएको थियो ।
उक्त शिविरमा जिल्ला भरिबाट उल्लेखनिय उपस्थिति रहेको थियो । शिबिरमा बागमती प्रदेश पदाधिकारीहरु लगायत जिल्ला भरीका योग साधना केन्द्रका योग साधक साधिकाहरुको सहभागिता रहेको थियो । शिविर समापनको सभापतित्व पतंजलि योग समिति काभ्रेका अध्यक्ष प्रकाश कायष्थले गर्नु भएको थियो भने सञ्चालन महामन्त्री श्यामकुमार श्रेष्ठले गर्नु भएको थियो । शिबिरको संयोजन बनेपा नगर समिति संयोजक मनिषा बडालले गर्नु भएको थियो ।
