काठमाडौं/विश्व प्रसिद्ध अमेरिकी म्यागेजिन न्यूजविकले मदन भण्डारीसँग लिएको अन्तर्वार्ताको हेडलाइनमा ‘इन नेपाल, कार्लमार्क्स लिभ्स’ लेखिएको थियो । न्यूजविकका लागि माइकल लिटभिनले मदनको अन्तर्वार्ता लिएका थिए ।
२७ मे, १९९१ मा यो अन्तर्वार्ता छापिएको थियो । यो अन्तर्वार्ता २०४८ को आम निर्वाचनपछि छापिएको थियो । अमेरिकी पत्रिकाले नेपाली नेतालाई मार्क्ससँग तुलना गरेर अन्तर्वार्ता छापेपछि यसले ठूलो तरंग ल्याएको थियो ।
विसं २०४६ मा भएको नेकपा (माले)को चौथो महाधिवेशन र २०४७ सालमा नेकपा (माले) र नेकपा (मार्क्सवादी)बीच एकता भई भण्डारी नेकपा (एमाले)को महासचिव बनेका थिए । यस्तै एमालेको २०४९ सालमा भएको पाँचौँ महाधिवेशनबाट पनि उहाँ महासचिवमा चुनिएका थिए । भण्डारी २०४८ सालको संसदीय निर्वाचनमा काठमाडौं क्षेत्र नं १ बाट निर्वाचित भएका थिए ।
